Ərdoğan: “Finlandiya və İsveç NATO-ya Türkiyənin mövqeyi nəzərə alınaraq daxil ola bilər”

Ərdoğan: “Finlandiya və İsveç NATO-ya Türkiyənin mövqeyi nəzərə alınaraq daxil ola bilər”

“Finlandiya və İsveçin NATO-ya üzv olması üçün Türkiyənin təhlükəsizliklə bağlı narahatlığı nəzərə alınmalıdır. Başqa yol yoxdur”.

“Report” “Anadolu”ya istinadən xəbər verir ki, bunu Türkiyə Prezidenti Rəcəb Tayyib Ərdoğan NATO-nun sammitində iştirak etmək üçün İspaniyanın paytaxtı Madridə səfərdən əvvəl Ankaranın Esenboğa Hava Limanında mətbuat konfransında bildirib.

O xatırladıb ki, Türkiyə 70 ildir NATO-nun üzvüdür: “Biz Alyansda təsadüfi ölkə deyilik. Sammitdən əsas gözləntimiz ittifaq həmrəyliyinin ortaya qoyulmasıdır. Müttəfiqlərimizdən terrorla mübarizədə ayrıseçkilik etməmələrini, bir müttəfiqə qarşı təhdidin əslində bütün Alyansa qarşı təhdid olduğunu görmələrini gözləyirik”.

Daha əvvəl bildirilmişdi ki, Türkiyə Finlandiya və İsveçin NATO-ya üzv olması üçün şərtlər irəli sürüb.

Xatırladaq ki, iyunun 28-29-da Madriddə Türkiyə, İsveç və Finlandiya nümayəndələri arasında görüş keçiriləcək.

Report.az

Bir cavab yazın

Sizin e-poçt ünvanınız dərc edilməyəcəkdir.

6 − three =